Ájiniyaz atındaǵı Nókis mámleketlik pedagogikalıq institutı Filologiya fakultetinde Ózbekstan Respublikası Qurallı Kúshleri dúzilgeniniń 34 jıllıǵı hám 14-yanvar – Watan qorǵawshıları kúni múnásibeti menen Arqa-batıs áskeriy okrugi 21131-áskeriy bólim leytenantları B.Ibrohimov hám R.Omonov, sonday-aq, bir qatar áskeriy xızmetkerler menen ushırasıw bolıp ótti.

Ilajda sózge shıqqanlar mámleketimiz Qurallı Kúshleriniń dúziliwi, sońǵı jıllarda milliy armiyamızdı ele de rawajlandırıw, onıń jawıngerlik tayarlıǵın jetilistiriw, materiallıq-texnikalıq bazasın bekkemlew, xalıqaralıq abıroyın arttırıw baǵdarında ámelge asırılıp atırǵan jumıslar, tarawdaǵı reformalardıń nátiyjeleri haqqında maǵlıwmatlar berdi.

Sonday-aq, usı mazmundaǵı ushırasıw Pedagogika-psixologiya hám dóretiwshilik tálim hám Mektepke shekemgi hám baslawısh tálim fakultetlerinde de ótkerildi.

Ushırasıwda 50024-áskeriy bólim leytenantları M.Samboev hám D.Reymov, kishi serjant M.Olimov jaslardı búgingidey tınısh hám paraxat turmısımızdıń qádirine jetip, jaratılıp atırǵan imkaniyatlardan nátiyjeli paydalanıwǵa hám elimizdiń rawajlanıwına úleslerin qosıwǵa shaqırdı.