Ájiniyaz atındaǵı Nókis mámleketlik pedagogikalıq institutında Qaraqalpaqstan Respublikası Ishki isler ministrligi Jámiyetlik qáwipsizlik xızmeti jol háreketi qáwipsizligi basqarması menen birgelikte jaslar tálim-tárbiyası boyınsha juwapkerler hám studentler qatnasıwında ushırasıw ótkerildi.

Jol-transport hádiyseleriniń aldın alıw, jaslar arasında jol háreketi mádeniyatın jetilistiriw hám hár bir puqaranıń jol háreketi qaǵıydalarına juwapkershilik penen qatnasta bolıwın támiyinlew maqsetinde shólkemlestirilgen ushırasıwdı instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov basqarıp bardı.

Ushırasıw dawamında basqarmanıń bólim baslıǵı Islam Uzaqbergenov hám málimleme toparı inspektorı Timur Qurbanbaev tárepinen jol háreketi qaǵıydalarına qatań ámel etiwdiń áhmiyeti, piyadalar hám transport basqarıwshılarınıń huqıq hám minnetlemeleri, jámiyetlik hám jeke menshik transport qurallarınan paydalanıwda qáwipsizlik ilajlarına ámel etiw boyınsha tolıq túsinikler berildi.

Sonday-aq, spirtli ishimlik tásirinde más halda transport basqarıw, tezlikti normasınan arttırıw, qáwipsizlik belbewinen paydalanbaw, jol belgilerine itibarsızlıq penen qaraw sıyaqlı qaǵıyda buzıwshılıqlar awır aqıbetlerge alıp keliwi múmkinligi anıq mısallar arqalı kórsetip berildi.

Ilaj juwmaǵında qatnasıwshılar ózlerin qızıqtırǵan sorawlar menen múrájat etip, qánigelerden tolıq juwap aldı.

NMPI baspasóz xızmeti.