Tashkent qalasında «New Talents» jámiyetiniń baslaması menen Ózbekstan Respublikası Mádeniyat ministrligi, Mektepke shekemgi hám mektep bilimlendiriwi ministrligi, Joqarı bilimlendiriw, ilim hám innovaciyalar ministrligi, sonday-aq, «Renesans TV» telekanalı menen birgelikte «Jıldıń xalıqaralıq juldızları» xalıqaralıq tańlawı bolıp ótti.

Xalıqaralıq tańlawda Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti muzıkalıq tálim baǵdarınıń 1-kurs studentleri de belsene qatnastı.

Tańlaw nátiyjelerine bola:

– Aziza Qarlıbaeva baqsıshılıq baǵdarı boyınsha 1-orın;
– Aybek Amangeldiev dástúriy saz atqarıwshılıǵı baǵdarı boyınsha 1-orın;
– Begis Saǵındıqov dástúriy qosıqshılıq baǵdarı boyınsha 1-orındı iyeledi.

Sonıń menen birge, muzıkalıq tálim kafedrasınıń assistent-oqıtıwshısı Berdiyar Seytmuratov «Jıldıń eń jaqsı xalıqaralıq oqıtıwshısı» nominaciyasınıń jeńimpazı dep tabıldı.

NMPI baspasóz xızmeti.