Ózbekstan jaslar awqamı Oraylıq Keńesi tárepinen 2025-2026-oqıw jılınıń birinshi yarım jıllıǵı juwmaqları boyınsha «EŃ KÚShLI 20 JOQARÍ OQÍW ORNÍNÍŃ JASLAR JETEKShILERI» reytingi járiyalandı.

Áhmiyetlisi, bul reytingnen Ájiniyaz atındaǵı Nókis mámleketlik pedagogikalıq institutı Jaslar awqamı baslanǵısh shólkeminiń jetekshisi Qasımov Erniyaz Ájiniyaz ulı da orın aldı.

«Bul reytingnen orın alǵan jaslar jetekshileri ózleriniń kreativ qatnası, baslamaları hám pidayı miyneti menen ózleri jumıs alıp barıp atırǵan jámáátler menen birgelikte teńlesleri arasında da haqıyqıy jetekshi ekenin kórsete aldı.

Olar juwapkershilikti sezinetuǵın, jańalıqqa umtılatuǵın hám nátiyje ushın isleytuǵın jaslar. Eń kúshliler qatarında bolıw jolında barlıq jaslar jetekshilerimizge úlken áwmet, bekkem sabır hám jańa tabıslar tileymiz!» – dep jazılǵan Ózbekstan jaslar awqamı Oraylıq Keńesiniń xabarında.

Biz de óz gezeginde, institutımız rektoratı, miynet jámááti hám student-jasları atınan Erniyaz Qasımovtı shın júrekten qutlıqlaymız. Jaslardı hár tárepleme qollap-quwatlaw baǵdarındaǵı jumıslarında tabıslar tileymiz!

NMPI baspasóz xızmeti.