Ájiniyaz atındaǵı Nókis mámleketlik pedagogikalıq institutı málimleme-resurs orayında ullı sárkarda, mámleketlik ǵayratker hám klassikalıq ádebiyatımızdıń iri tulǵası Zahiriddin Muhammed Babur tuwılǵanınıń 543 jıllıǵı múnásibeti menen ádebiy keshe shólkemlestirildi.

Ilajǵa Mektepke shekemgi hám baslawısh tálim fakultetiniń tyutorları hám studentleri qatnastı.

Ádebiy keshede málimleme-resurs orayınıń sırt el málimleme-kitapxana resursları menen islew bóliminiń baslıǵı Rita Amanbaeva, filologiya ilimleri boyınsha filosofiya doktorı (PhD) Zuxra Azilova, Mektepke shekemgi hám baslawısh tálim fakulteti tyutorı Gúljáhán Artikova Baburdıń kóp qırlı dóretiwshiligi, onıń «Baburnama» shıǵarması, ǵázzel hám rubayılarındaǵı tereń filosofiyalıq mazmun, watanǵa muhabbat hám adamgershilik ideyaları haqqında maǵlıwmatlar berdi.

Keshe dawamında studentler tárepinen Baburdıń ǵázzel hám rubayıları kórkemlep oqılıp, saxnalıq kórinisler shólkemlestirildi. Sonday-aq, Baburdıń ómiri hám dóretiwshiligine baǵıshlanǵan prezentaciyalar, bayanatlar ilajǵa ayrıqsha mazmun baǵıshladı.

NMPI baspasóz xızmeti.