Usı jıldıń 1-fevralınan 1-mart kúnleri aralıǵında elimiz boylap tiyisli uyımlar hám shólkemler menen birgelikte «Jaslar arasında náshebentlik hám psixotrop zatlardıń tarqalıwınıń aldın alıw» kompleksli operativlik-profilaktikalıq ilajları joqarı shólkemleskenlik penen ótkerilmekte.

Ájiniyaz atındaǵı Nókis mámleketlik pedagogikalıq institutında tiyisli ministrlikler, mákeme hám shólkemlerdiń juwapkerleri qatnasıwında ótkerilgen ushırasıwda ámelge asırılıp atırǵan ilajlar kórip shıǵılıp, aldaǵı islenetuǵın jumıslar hám tiyisli wazıypalar belgilep alındı.

Maǵlıwmat ushın, bul ilajlar Ózbekstan Respublikası Prezidentiniń «Xalıqtıń salamatlıǵı hám millet genofondın náshebentlik hám narkojınayatlardan nátiyjeli qorǵaw boyınsha kompleksli ilajlar haqqında»ǵı pármanı tiykarında shólkemlestirilmekte.

NMPI baspasóz xızmeti.