Ájiniyaz atındaǵı Nókis mámleketlik pedagogikalıq institutında student-jaslardı sport ilajlarına keńnen tartıw, olar arasında salamat turmıs tárizin úgit-násiyatlaw maqsetinde mini futbol boyınsha «Studentler ligası» start almaqta.

Liga sheńberindegi oyınlar usı jıldıń 24-25-fevral kúninen saat 15:00 de instituttıń sport kompleksinde baslanadı hám hár hápteniń shiyshembi jáne sárshembi kúnleri usı waqıtta turaqlı túrde ótkerilip barıladı.

Liganı shólkemlestiriwdiń baslı maqseti:

– Student-jaslardı turaqlı sport penen shuǵıllanıwǵa tartıw;
– Olardıń bos waqtın mazmunlı shólkemlestiriw;
– Fakultetler arasında salamat básekini qáliplestiriw;
– Jaslar arasında óz ara doslıq hám awızbirshilik ortalıǵın bekkemlew;
– Sheber sportshılardı anıqlap, institut saylandı komandası ushın rezerv qáliplestiriw.

Ligada qatnasıwdı qálewshiler fakultet dekanlarınıń jaslar menen islesiw boyınsha orınbasarlarına múrájat etiwi múmkin.

Maǵlıwmat ushın, mini futbol boyınsha «Studentler ligası» institut rektoratınıń qollap-quwatlawı menen sport klubı hám Jaslar awqamı baslanǵısh shólkemi tárepinen shólkemlestirilmekte.

Sport – bul birlik, sport – bul salamat keleshek tiykarı. Solay eken, bársheńizdi «Studentler ligası»nda kútemiz!

NMPI baspasóz xızmeti.