Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti dene tárbiya hám sport kafedrası jámááti tárepinen paytaxtımızdaǵı 21-sanlı ulıwma bilim beriw mektebinde «Mektepte bir kún» ilajı sheńberinde sport jarısları shólkemlestirildi.

Ózbekstan Respublikası Prezidentiniń «Pedagogikalıq bilimlendiriwdiń sapasın arttırıw hám pedagog kadrlar tayarlaytuǵın joqarı bilimlendiriw mákemeleriniń jumısın bunnan bılay da rawajlandırıw ilajları haqqında»ǵı qararı tiykarında ótkerilgen bul ilaj institut hám mektep jámáátiniń birge islesiw jumıslarınıń ámeliy kórinisi boldı.

Ilaj sheńberinde kafedra professor-oqıtıwshıları basshılıǵında mektep oqıwshıları arasında voleybol, mini futbol hám milliy oyın túrleri boyınsha jarıslar ótkerildi.

Jeńimpazlar hám sıylı orın iyeleri kafedra jámááti tárepinen sıylıqlandı.