Ájiniyaz atındaǵı Nókis mámleketlik pedagogikalıq institutı Filologiya fakultetinde belgili qazaq shayırı Muqaǵali Maqataevtıń tuwılǵanına 95 jıl tolıwına arnalǵan «Poeziya – meniń menen egiz be ediń?» atamasındaǵı poeziya keshesi shólkemlestirildi.

Keshede qazaq tili hám ádebiyatı tálim baǵdarınıń talantlı studentleri tárepinen shayırdıń qosıqları, poemaları kórkemlep oqıp berildi hám poeziyalıq shıǵarmalarınıń mazmunı haqqında maǵlıwmatlar berildi.

Belsene qatnasqan studentler fakultet dekanatı tárepinen xoshametlendi.

Álbette, bunday ilajlar studentlerdiń tuwısqan xalıqlar ádebiyatına qızıǵıwshılıǵın arttırıw menen birge, olardı kitapqumarlıqqa baǵdarlawda ayrıqsha áhmiyetke iye esaplanadı.

NMPI baspasóz xızmeti.