Ájiniyaz atındaǵı Nókis mámleketlik pedagogikalıq institutında korrupciyaǵa qarsı gúresiw, jámiyette hadallıq hám ashıq-aydınlıq principlerin bekkemlew maqsetinde ushırasıw shólkemlestirildi.

Ushırasıwǵa Qaraqalpaqstan Respublikası Ministrler Keńesiniń korrupciyaǵa qarsı ishki qadaǵalaw bóliminiń baslıǵı Batır Matmuratov, Ózbekstan Respublikası Bas prokuraturası janındaǵı Ekonomikalıq jınayatlarǵa qarsı gúresiw departamenti Qaraqalpaqstan Respublikası basqarmasınıń bólim baslıǵı Azamat Qıdırniyazov, instituttıń korrupciyaǵa qarsı gúresiw «Komplaens qadaǵalaw» sistemasın basqarıw bóliminiń baslıǵı Shavkat Shamuratov, jaslar tálim-tárbiyasına juwapker xızmetkerler hám student-jaslar qatnastı.

Ilaj dawamında elimizde korrupciyaǵa qarsı gúresiw baǵdarında ámelge asırılıp atırǵan jumıslar, korrupciyanıń jámiyetlik rawajlanıwǵa unamsız tásiri, jaslar sanasında korrupciyaǵa bolǵan mawasasız qatnastı qáliplestiriwdiń áhmiyeti haqqında sóz etildi.

Student-jaslarǵa óz huqıq hám minnetlemelerin biliw, nızamǵa qayshı usınıslarǵa jol qoymaw, hadallıq hám hújdan principlerine sadıq qalıwdıń áhmiyetli ekenligi túsindirildi.

Ushırasıw soraw-juwaplar menen dawam etti.

NMPI baspasóz xızmeti.