Búgin, 26-fevral kúni Ájiniyaz atındaǵı Nókis mámleketlik pedagogikalıq institutında «Piyshembi – jaslar kúni» múnásibeti menen «Basshı hám jaslar» ushırasıwı shólkemlestirildi.

Ushırasıwda Qaraqalpaqstan Respublikası Ministrler Keńesi Baslıǵınıń Qarjı, ekonomika hám kámbaǵallıqtı qısqartıw máseleleri boyınsha birinshi orınbasarı – Ekonomika hám qarjı ministri Nurullan Erlepesov, sonday-aq, Nókis qalasınıń hákimi Abatbay Daniyarov institut studentleri hám máhállelerdiń jasları menen sáwbetlesti.

Ilaj dawamında jaslar ózleriniń oqıwı, ilimiy-innovaciyalıq hám startap joybarları, isbilermenlik ideyaları boyınsha baslamaları haqqında maǵlıwmat berip, olardı ámelge asırıw mexanizmleri menen tanıstırdı.

Sonıń menen birge, ózlerin qıynap júrgen máseleler boyınsha sorawlarına juwaplar aldı.

Ushırasıw barısında jaslar tárepinen bildirilgen usınıslar, kóterilgen mashqalalardı sheshiw boyınsha juwapkerlerge tiyisli tapsırmalar berildi.

NMPI baspasóz xızmeti.