Ájiniyaz atındaǵı Nókis mámleketlik pedagogikalıq institutında Ózbekstan jaslar awqamı Qaraqalpaqstan Respublikalıq Keńesi tárepinen ózbek ádebiyatınıń kórnekli wákilleri Hamid Olimjon hám Zulfiya Israilovanıń bay dóretiwshilik miyrasına baǵıshlanǵan «Ádebiyat aspanındaǵı eki juldız» atamasındaǵı kórkemlep oqıw hám teatrlastırılǵan kórinisler tańlawınıń Qaraqalpaqstan Respublikalıq basqıshı shólkemlestirildi.

Tańlawǵa respublikamızdaǵı barlıq joqarı oqıw orınlarınıń qábiletli student-jasları qatnasıp, eki belgili shayırdıń ómiri hám dóretiwshiligine arnap tayarlanǵan saxnalıq kórinislerdi sheberlik penen atqarıwǵa háreket etti.

Tańlaw juwmaǵına bola:

1-orın – Ózbekstan mámleketlik kórkem óner hám mádeniyat institutı Nókis filialı;
2-orın – Qaraqalpaqstan medicina institutı;
3-orın – Ájiniyaz atındaǵı Nókis mámleketlik pedagogikalıq institutı student-jaslarına nesip etti.

Jeńimpazlar hám sıylı orın iyeleri qáwenderler tárepinen bahalı sawǵalar menen sıylıqlandı.

NMPI baspasóz xızmeti.