Berdaq atındaǵı Qaraqalpaq mámleketlik universiteti mádeniyat sarayında kásiplik bilimlendiriw shólkemleri hám akademiyalıq licey oqıwshı-jasları arasında ekologiya boyınsha «Siz ekologiyalıq nızamlardı bilesiz be?» tańlawınıń Qaraqalpaqstan Respublikalıq basqıshı bolıp ótti.

Tańlawǵa Ájiniyaz atındaǵı Nókis mámleketlik pedagogikalıq institutı akademiyalıq liceyiniń «Qaratal» komandası qatnastı.

Sálemnama, intellektual soraw-juwap, saxnalıq kórinis, ekologiya boyınsha joybar islep shıǵıw shártleri boyınsha komandalardıń qatnasıwın tóreshiler quramı aǵzaları bahalap bardı.

Solay etip, tańlaw juwmaǵına bola, Ájiniyaz atındaǵı Nókis mámleketlik pedagogikalıq institutı akademiyalıq liceyiniń «Qaratal» komandası 1-orın iyeledi hám Tashkent qalasında bolıp ótetuǵın respublikalıq basqıshqa jollama aldı.