Ájiniyaz atındaǵı Nókis mámleketlik pedagogikalıq institutı Filologiya fakultetinde student-jaslar arasında ekstremizm, terrorizm, jınayatshılıq, huqıqbuzarlıqlardıń aldın alıw, náshebentlikke qarsı gúresiw, sonday-aq, salamat turmıs tárizin úgit-násiyatlawǵa baǵdarlanǵan ushırasıw bolıp ótti.

Ilajǵa Nókis qalalıq Ishki isler uyımlarınıń jumısların muwapıqlastırıw basqarması hayal-qızlar máseleleri boyınsha aǵa inspektorı, podpolkovnik A.Namenova, Salamatlıq hám strategiyalıq rawajlanıw institutı Nókis qalalıq bólimi shıpakeri T.Ganieva, Respublikalıq qánigelestirilgen ruwxıy salamatlıq ilimiy-ámeliy orayı narkologiyalıq xızmeti Qaraqalpaqstan Respublikalıq filialı narkolog shıpakeri A.Jalilov, Qaraqalpaqstan Respublikası AIJSqa qarsı gúresiw orayı shıpakeri B.Joldasbaeva, fakultet dekanatı wákilleri, tyutorlar, student-jaslar qatnastı.

Ushırasıwda Ózbekstan Respublikası Prezidentiniń «Xalıqtıń salamatlıǵı hám millet genofondın náshebentlik hám narkojınayatlardan nátiyjeli qorǵaw boyınsha kompleksli ilajlar haqqında»ǵı pármanı, jaslar arasında ushırasıp atırǵan hár qıylı unamsız illetlerdiń júzege keliw sebepleri hám olardıń aldın alıw ilajları haqqında tolıq maǵlıwmat berildi.

NMPI baspasóz xızmeti.