Ájiniyaz atındaǵı Nókis mámleketlik pedagogikalıq institutı 1-sanlı studentler turaq jayında 8-mart – Xalıqaralıq hayal-qızlar kúni bayramı múnásibeti menen báhár paslınıń gózzallıǵı, jańalanıw belgisi sıpatında «Báhár malikası» tańlawı shólkemlestirildi.

Tańlawǵa studentler turaq jayında jasaytuǵın úlgili, ziyrek hám qábiletli qızlar qatnasıp, belgilengen shártler boyınsha dóretiwshilik qábileti, saxnalıq sheberligi, milliy qádiriyatlarǵa húrmeti hám ruwxıy dúnyaqarasın kórsetiwge háreket etti.

Ilajǵa institut rektorınıń hayal-qızlar máseleleri boyınsha másláhátshisi Sayyora Bekchanova qatnasıp, shólkemlestiriwshi pedagog-tárbiyashılar hám qatnasıwshı student-qızlarǵa minnetdarshılıq bildirdi.

Tańlaw juwmaǵında jeńimpazlar hám sıylı orın iyeleri anıqlanıp, olarǵa diplom, sonday-aq, kásiplik awqamı komiteti tárepinen bayram sawǵaları tapsırıldı.