Ájiniyaz atındaǵı Nókis mámleketlik pedagogikalıq institutı Ellikqala fakultetinde «Piyshembi – jaslar kúni» múnásibeti menen «Úsh áwlad ushırasıwı» bolıp ótti.

Ushırasıwǵa tariyxshı, nuranıy ata S.Ismailov hám úlgili nuranıy apa G.Abdullaeva, fakultet jámááti hám student-jaslar qatnastı.

Ilajda miymanlar ózleriniń ómir jolı, ámelge asırǵan jumısları hám toplaǵan bay tájiriybeleri haqqında aytıp ótti. Sonday-aq, jaslarǵa paydalı másláhátler berdi.

Ushırasıw dawamında áwladlar arasındaǵı pikirlesiw, milliy qádiriyatlar, watanǵa muhabbat sezimlerin jaslar sanasına sińdiriw máseleleri boyınsha pikir almasıldı. Miymanlar jaslardı bilim alıwǵa umtılıw, mámleketimizdiń rawajlanıwına úles qosıw hám jasıúlkenlerdi húrmet etiwge shaqırdı.

Studentler ózlerin qızıqtırǵan sorawlarǵa juwap aldı.