Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakultetinde «Piyshembi – jaslar kúni» múnásibeti menen «Dekan hám jaslar» ushırasıwı shólkemlestirildi.

Ushırasıwda fakultet dekanı Ulbosın Seytjanova elimizde, sonıń ishinde, institutımızda jaslardı hár tárepleme qollap-quwatlaw, olardıń baslamaların turmısqa engiziw, bilimli, ziyrek studentlerdi xoshametlew maqsetinde ámelge asırılıp atırǵan keń kólemli reformalar haqqında maǵlıwmat berdi.

Ilaj dawamında jaslar oqıw procesi, ilimiy-innovaciyalıq joybarlar, hár qıylı tańlawlar hám olarǵa qatnasıw baǵdarındaǵı sorawlarına tolıq juwap aldı.