Ájiniyaz atındaǵı Nókis mámleketlik pedagogikalıq institutında 8-mart – Xalıqaralıq hayal-qızlar kúni bayramı múnásibeti menen student-qızlar arasında mini futbol boyınsha jarıs shólkemlestirildi.

Jarısqa institut fakultetlerinen komandalar qatnasıp, ózleriniń fizikalıq imkaniyatların sınaqtan ótkerdi.

Oǵada qızǵın ruwxta ótken jarıs juwmaǵında jeńimpazlar hám sıylı orın iyeleri anıqlanıp, institut sport klubı tárepinen bayram sawǵaları menen sıylıqlandı.

Ilajǵa institut rektorınıń másláhátshisi Ǵulamjan Ibadullaev qatnasıp, qatnasıwshılardı bayram menen qutlıqladı hám jaslar arasında bunday ilajlar turaqlı túrde ótkeriliwin atap ótti.

NMPI baspasóz xızmeti.