Ájiniyaz atındaǵı Nókis mámleketlik pedagogikalıq institutında 8-mart – Xalıqaralıq hayal-qızlar kúni bayramı múnásibeti menen hayal-qızlardan ibarat professor-oqıtıwshılar hám pedagog xızmetkerler arasında voleybol boyınsha jarıs bolıp ótti.

Óz ara doslıq ruwxında ótken jarıs qatnasıwshılarǵa kóterińki bayram keypiyatın inám etti. Jarıs dawamında komanda aǵzaları ózleriniń fizikalıq imkaniyatların sınaqtan ótkerdi.

Jarıs juwmaǵında jeńimpazlar, sıylı orın iyeleri hám barlıq qatnasıwshılar diplom, xúrmet jarlıqları, sonday-aq, institut kásiplik awqamı komiteti tárepinen tayarlanǵan bayram sawǵaları menen sıylıqlandı.

Institutta bayram ilajları dawam etpekte.

NMPI baspasóz xızmeti.