Ájiniyaz atındaǵı Nókis mámleketlik pedagogikalıq institutı Filologiya fakultetinde 8-mart – Xalıqaralıq hayal-qızlar kúni bayramı múnásibeti menen keshki tálim baǵdarında oqıp atırǵan student-qızlar arasında «Báhár malikası» tańlawı shólkemlestirildi.

Keshki tálim baǵdarları boyınsha hayal-qızlar másláhátshisi X.Xudaybergenova baslaması menen ótkerilgen tańlawǵa 2-kurs studentleri arasınan úlgili, ziyrek hám qábiletli qızlar qatnasıp, belgilengen shártler boyınsha dóretiwshilik qábileti, aspazlıq sheberligi, milliy qádiriyatlarǵa húrmeti hám ruwxıy dúnyaqarasın kórsetiwge háreket etti.

Tańlaw juwmaǵında jeńimpazlar hám sıylı orın iyeleri anıqlanıp, olarǵa diplom jáne bayram sawǵaları tapsırıldı.