Ájiniyaz atındaǵı Nókis mámleketlik pedagogikalıq institutı Anıq pánler fakultetinde 8-mart – Xalıqaralıq hayal-qızlar kúni bayramı múnásibeti menen 1-2-kurs student-qızlar arasında «Báhár malikası» tańlawı ótkerildi.

Tańlawda qatnasıwshılar ózin tanıstırıw, dóretiwshilik jumısları, qábiletlerin kórsetiw, saxnalıq kórinis hám qızıqlı soraw-juwap sıyaqlı shártler boyınsha óz bilim hám ziyrekligin kórsetiwge háreket etti.

Qábiletli student-qızlardı anıqlaw hám xoshametlew maqsetinde shólkemlestirilgen tańlawda qatnasıwshılardıń hár bir saxnalıq shıǵıwın tóreshiler quramı aǵzaları bahalap bardı.

Tańlaw juwmaǵında jeńimpaz hám sıylı orın iyeleri fakultet dekanatı tárepinen sıylıqlandı.