Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakultetinde dekannıń hayal-qızlar máseleleri boyınsha másláhátshisi S.Aytmuratovanıń baslaması menen 8-mart – Xalıqaralıq hayal-qızlar kúni bayramına arnalǵan «Báhár malikası» tańlawı bolıp ótti.

Tańlawǵa fakultettegi túrli tálim baǵdarlarınan qábiletli, bilimli, shaqqan hám ziyrek student-qızlar qatnastı.

Qatnasıwshılar tańlaw reglamentine muwapıq túrli shártler tiykarında óz qábiletleri hám kónlikpelerin kórsetiwge háreket etti.

Qızıqlı túrde ótken tańlaw juwmaǵında jeńimpazlar hám sıylı orın iyeleri sıylıqlandı.