Ájiniyaz atındaǵı Nókis mámleketlik pedagogikalıq institutı Tábiyiy pánler fakultetinde student-jaslar arasında innovaciyalıq ideyalar hám startap joybarlardı rawajlandırıw, sonday-aq, korrupciyaǵa qarsı gúresiw máselelerine arnalǵan ushırasıw shólkemlestirildi.

Ilajǵa ziyrek studentlerdiń ilimiyi-izertlew jumısların shólkemlestiriw bólimi baslıǵı Q.Tashanov, korrupciyaǵa qarsı gúresiw «Komplaens qadaǵalaw» sistemasın basqarıw bólimi baslıǵı Sh.Shamuratov, fakultet dekanatı wákilleri, tyutorlar hám student-jaslar qatnastı.

Ushırasıw dawamında sózge shıqqanlar jaslardıń innovaciyalıq pikirlewin qollap-quwatlaw, startap joybarlardı jaratıw hám olardı ámeliyatqa engiziw boyınsha áhmiyetli usınıslar berdi. Sonday-aq, elimizde jaslar baslamaların xoshametlew, olardıń ilimiy hám dóretiwshilik potencialın júzege shıǵarıw ushın jaratılıp atırǵan keń imkaniyatlar haqqında sóz etildi.

Sonday-aq, ilajda korrupciyaǵa qarsı gúresiw, jámiyette hadallıq hám ádillik principlerin bekkemlew máseleleri haqqında sóz bolıp, qánigeler korrupciyanıń jámiyetlik rawajlanıwǵa unamsız tásiri, onıń aldın alıwda jaslardıń belsendiligi hám puqaralıq poziciyası úlken áhmiyetke iye ekenligin atap ótti.

Studentlerge korrupciyaǵa qarsı gúresiw boyınsha nızamshılıq, bul baǵdardaǵı alıp barılıp atırǵan reformalar hám hár bir puqaranıń juwapkershiligi haqqında tolıq maǵlıwmat berildi.

NMPI baspasóz xızmeti.