Ájiniyaz atındaǵı Nókis mámleketlik pedagogikalıq institutınıń barlıq fakultetlerinde Ózbekstan Respublikası Prezidentiniń «Xalıqtıń salamatlıǵı hám millet genofondın náshebentlik hám narkojınayatlardan nátiyjeli qorǵaw boyınsha kompleksli ilajlar haqqında»ǵı pármanı tiykarında «Jaslar – náshebentlikke qarsı» súreni tiykarında birqatar tańlawlar bolıp ótti.

Atap aytqanda, Pedagogika-psixologiya hám dóretiwshilik tálim fakultetinde ótkerilgen «Eń jaqsı súwret» tańlawı jaslar arasında salamat turmıs tárizin úgit-násiyatlaw, náshebentliktiń zıyanlı aqıbetlerin túsindiriw hám dóretiwshi studentlerdi qollap-quwatlawǵa xızmet etti.

Mektepke shekemgi hám baslawısh tálim fakultetinde ótkerilgen usı mazmundaǵı tańlawda qatnasıwshı student-jaslar náshebentliktiń aqıbetleri sáwlelengen súwretler arqalı ózleriniń dóretiwshilik qábiletin kórsetiwge háreket etti.

Anıq pánler fakultetinde tyutorlar I.Embergenova hám M.Aytmuratova basshılıǵında student-jaslar arasında «Eń jaqsı shıǵarmalar», sonday-aq, B.Dálibaev, R.Tursınbaev basshılıǵında «Eń jaqsı súwretler» tańlawları ótkerilip, jaslar elimizdiń keleshegi ekenligi, hár bir jas óz ómirine juwapkershilik penen qarawı, zıyanlı illetlerden awlaq bolıwı kerekligi túsindirildi.