Ájiniyaz atındaǵı Nókis mámleketlik pedagogikalıq institutı akademiyalıq liceyinde oqıw procesi hám semestr juwmaqlarına arnalǵan ushırasıw bolıp ótti.

Ilajda licey direktorı Q.Qalxorazov Ózbekstan Respublikası Prezidentiniń «Intalı jaslardı tańlap alıw sisteması hám akademiyalıq liceylerdiń jumısların jetilistiriw ilajları haqqında»ǵı qararınıń áhmiyeti hám usı tiykarda ámelge asırılıp atırǵan jumıslar haqqında maǵlıwmat berdi.

Ushırasıwda semestr nátiyjelerine bola barlıq pánlerden joqarı kórsetkishlerge erisken, intalı hám hár tárepleme belsendi 10 oqıwshıǵa akademiyalıq licey Keńesiniń qararı tiykarında bazalıq esaplaw muǵdarınıń eki esesi muǵdarında «Akademiyalıq licey maqtanıshı» stipendiyası tapsırıldı.

Álbette, bilimli hám hár tárepleme úlgili jaslarǵa qaratılıp atırǵan bunday itibar olarǵa úlken motivaciya bolıp xızmet eteri sózsiz.