Xabarıńız bar, usı jıldıń 13-14-mart kúnleri pútkil elimiz boylap «Jurt abatlıǵı, eń dáslep, máhálleden baslanadı» degen iygilikli ideya tiykarında ulıwma xalıqlıq qayırqomlıq shembiligi ótkerilmekte.

Búgin azanǵı waqıttan Ájiniyaz atındaǵı Nókis mámleketlik pedagogikalıq institutı jámááti hám student-jasları shembilik sheńberinde ótkerilip atırǵan «Taza qala» ekologiyalıq akciyasına belsene qatnaspaqta.

Bul ekologiyalıq akciyada instituttıń 6 mıńnan aslam student-jasları paytaxtımız Nókis qalasınıń «Kók ózek», «Aq otaw», «Tuńǵısh qonıs», «Hawa jolı», «Doslıq gúzarı» mákan puqaralar jıyınları aymaǵında abadanlastırıw, shıǵındılardan tazalaw jumısların alıp barmaqta.

Ulıwma xalıqlıq shembilik tiykarında qayırqomlıq ilajları da ótkeriliwi belgilengen bolıp, institut belsendi studentleriniń máhállelerdegi jalǵız jasaytuǵın kekselerdiń halınan xabar alıwı shólkemlestiriledi.

NMPI baspasóz xızmeti.