Usı jıldıń 3-aprel kúni Ájiniyaz atındaǵı Nókis mámleketlik pedagogikalıq institutında ullı mámleketlik ǵayratker hám sárkarda, ilim, mádeniyat hám kórkem óner qáwenderi Sahıpqıran Ámir Temur tuwılǵanınıń 690 jıllıǵına arnalǵan «Temuriyler Renessansı hám Jańa Ózbekstan» atamasındaǵı respublikalıq ilimiy-ámeliy konferenciya ótkeriledi.

Konferenciya tómendegi sekciyalarda ótkeriliwi jobalastırılǵan:

1) Ámir Temur hám temuriyler dáwirindegi Mawerennaxrdaǵı siyasiy, ekonomikalıq jaǵday:
– Ámir Temur mámleketshiligi hám áskeriy strategiyası;
– Temuriyler dáwirinde basqarıw sisteması;
– Diplomatiyalıq baylanıslar hám xalıqaralıq qatnasıqlar.

2) Ámir Temur hám temuriyler dáwirinde Mawerennaxrdaǵı mádeniyat hám ilimniń rawajlanıwı:
– Temuriyler dáwirinde jámiyetlik pikir hám filosofiyalıq kózqaraslar;
– Ilimniń rawajlanıwı;
– Temuriyler miyrasın bilimlendiriw procesine engiziw;
– Watan súyiwshilik hám ruwxıy-aǵartıwshılıq tárbiya;
– Zamanagóy bilimlendiriwde tariyxıy tájiriybeler.

Ilimiy maqala tekstleriniń rásmiylestiriliw talapları:

– Tezisler tekstleri (5 betke shekem) Times New Roman hám 14 shriftte, 1,5 intervalda hám abzac basındaǵı aralıq 1 sm formatta bolıwı kerek.
– Tekstlerdi jaylastırıwda bettiń shegaraları tómendegi tárizde belgilenedi: joqarı hám tómennen 2 sm, shep tárepten 3 sm, oń tárepten 1,5 sm.
– Tezisler 1 nusqada qaǵaz hám elektron variantta (DOC yamasa RTF formatta) tapsırıladı.

Fayl atı avtordıń familiyası menen jazılıwı kerek.

– Ilimiy maqalanıń ataması bas háripler menen jazılıwı kerek. Maqala atamasınan keyingi qatarda avtordıń atı, familiyası, ilimiy dárejesi, ataǵı (eger bolsa), jumıs ornı tolıq kórsetiliwi tiyis.
– Barlıq siltemeler kvadrat qawısta, ádebiyatlar tártip nomeri hám beti menen kórsetiledi. Úlgi: [1, B. 5]

– Paydalanǵan ádebiyatlar alfavit tártibinde tekst aqırında beriledi.
– Toplamǵa kirgiziletuǵın materiallardıń mazmunı hám olardıń durıslıǵına avtorlar juwapker.
– Shólkemlestiriw komiteti tárepinen kórsetilgen sekciyalar hám talaplarǵa tiykarlanıp tayarlanǵan tezisler qaraqalpaq, ózbek, rus, inglis tillerinde qabıl etiledi.
– Tezislerdiń kólemi 3 betten kem bolmaǵan hám 5 betten aspaǵan bolıwı kerek.

Materiallardı qabıllawdıń aqırǵı múddeti: 2026-jıl 25-mart.

Ótkeriletuǵın jeri: NMPI 4-sanlı oqıw imaratı. Nókis qalası, P.Seytov kóshesi 2-jay.

Baylanıs ushın: Qaraqalpaqstan Respublikası, Nókis qalası, Ájiniyaz atındaǵı Nókis mámleketlik pedagogikalıq institutı Tariyx fakulteti. M.Nurmuhammedov kóshesi 1-jay. NMPI 9-sanlı oqıw imaratı.

Telefon: +998913885677
E-mail: turganovbaxit@gmail.com

Shólkemlestiriw komiteti: Ájiniyaz atındaǵı Nókis mámleketlik pedagogikalıq institutı Tariyx fakulteti.