Ájiniyaz atındaǵı Nókis mámleketlik pedagogikalıq institutında «Piyshembi – jaslar kúni» múnásibeti menen Ózbekstan Respublikası Milliy gvardiyası Qaraqalpaqstan Respublikası boyınsha basqarmasınıń baslıǵı, polkovnik Muxtar Yusupov bir topar belsendi student-jaslar menen ushırastı.

Jaslardıń huqıqıy sawatlılıǵın arttırıw, elimiz tınıshlıǵı hám qáwipsizligin támiyinlew boyınsha alıp barılıp atırǵan jumıslar menen jaqınnan tanıstırıw, sonday-aq, studentlerdiń pikir hám usınısların tıńlaw maqsetinde shólkemlestirilgen ilajdı institut rektorı w.w.a. Quvondiq Qodirov basqarıp bardı.

Ushırasıw dawamında basqarma baslıǵı tárepinen búgingi kúnde mámleketimizde ámelge asırılıp atırǵan reformalar, sonıń ishinde, jaslardıń hár tárepleme rawajlanıwı ushın jaratılıp atırǵan imkaniyatlar haqqında tolıq maǵlıwmat berildi. Sonday-aq, tınıshlıq hám paraxatshılıqtı saqlaw, huqıqbuzarlıqlardıń aldın alıw, jınayatshılıqqa qarsı gúresiwde jaslardıń ornı jáne juwapkershiligi ayrıqsha atap ótildi.

NMPI baspasóz xızmeti.