Insan óz imkaniyatlarınan kelip shıǵıp, sport penen shuǵıllanıp, denesin shınıqtırıp tursa densawlıǵı ushın oǵada paydalı esaplanadı. Ásirese, hár kúni azanda 15-20 minutlıq dene shınıǵıwı yamasa 40-60 minut dawamında ashıq hawada piyada júriw oǵada paydalı.

Búgin, 10-aprel kúni Ájiniyaz atındaǵı Nókis mámleketlik pedagogikalıq institutında erte tańnan professor-oqıtıwshılar hám student-jaslar qatnasıwında azanǵı dene shınıqtırıw ilajı shólkemlestirildi.

Sońǵı jıllarda elimizde xalqımız arasında salamat turmıs tárizin engiziw, ǵalabalıq sporttı keń túrde-úgit-násiyatlaw máselesi mámleketlik siyasat dárejesine kóterilip, fizikalıq jaqtan jetik, salamat áwladtı tárbiyalaw baǵdarında nátiyjeli jumıslar ámelge asırılmaqta.

Prezidentimiz basshılıǵında denetárbiya hám sport tarawındaǵı tiykarǵı wazıypalarǵa arnap ótkerilgen videoselektor májilisinde belgilengen wazıypalardan kelip shıǵıp ótkerilgen ilajǵa institut professor-oqıtıwshıları hám student-jaslarınan ibarat 800 den aslam adamlar qatnastı.

Institutta ǵalabalıq sport ilajları dawam etpekte.

NMPI baspasóz xızmeti.