Ázerbayjan Respublikasınıń Baku slavyan universitetinde I Túrkologiyalıq Quraltaydıń 100 jıllıǵına arnalǵan xalıqaralıq konferenciya bolıp ótti.

Bul konferenciyaǵa túrkiy mámleketlerden belgili ilimpazlar qatnastı.

Xalıqaralıq konferenciyada Ájiniyaz atındaǵı Nókis mámleketlik pedagogikalıq institutı Filologiya fakulteti qaraqalpaq tili kafedrasınıń professorı, filologiya ilimleriniń doktorı Alima Pirniyazova da qatnasıp, «Qaraqalpaq álipbesi hám imlasınıń qáliplesiw jolları» atamasındaǵı bayanatın oqıdı.

Instituttıń Qazaqstan Respublikasındaǵı abıroylı joqarı oqıw orınları menen birge islesiw jumısları keńeyip, professor-oqıtıwshılardıń tájiriybesin arttırıw boyınsha baǵlarlamalar dawam etpekte.

Atap aytqanda, instituttıń súwretlew óneri hám injenerlik grafikası kafedrası baslıǵı, docent Sh.Qallıqılıshov, docent Ǵ.Mámbetqadırov, mektepke shekemgi tálim kafedrasınıń baslıǵı G.Jumasheva, texnologiyalıq tálim kafedrasınıń professor-oqıtıwshıları – docent T.Shamuratova, M.Kamilova, R.Matekeev Shımkent qalasındaǵı M.Áwezov atındaǵı Qubla Qazaqstan universitetinde qánigeligin jetilistiriw kursında qatnaspaqta.