Ájiniyaz atındaǵı Nókis mámleketlik pedagogikalıq institutı málimleme-resurs orayında VI Respublikalıq kitapqumarlar hápteligi sheńberinde imkaniyatı sheklengen jaslardı qollap-quwatlaw, olardıń jámiyettegi ornın bekkemlew hám ruwxıy jaqtan xoshametlew maqsetinde «Júrekler sóyleskende» atamasındaǵı ushırasıw keshesi shólkemlestirildi.

Ushırasıw keshesin oraydıń ilimiy-metodikalıq hám málimleme-maǵlıwmat bólimi baslıǵı Zlixa Qaynarova basqarıp bardı.

Ilajǵa Qaraqalpaqstan Respublikası Kózi ázziler kitapxanasınıń direktorı A.Axetova, instituttıń pedagogika kafedrası oqıtıwshısı M.Táńirbergenova, málimleme-resurs orayı direktorı G.Jiyemuratova, sırt el málimleme-kitapxana resursları menen islew bólimi baslıǵı R.Amanbaeva, imkaniyatı sheklengen student-jaslar, professor-oqıtıwshılar hám belsendi kitapqumar jaslar qatnasıp, kitap oqıwdıń insan ómirine jáne sanasına tásiri haqqında pikir almastı.

Ushırasıwda Qaraqalpaqstan Respublikası Kózi ázziler kitapxanası, ondaǵı jaratılǵan imkaniyatlar haqqında maǵlıwmatlar berildi. Sonday-aq, studentler tárepinen kórkem shıǵarmalardan úzindiler, qosıqlar oqıldı. Bul bolsa jaslardı ruwxlandırıw, olardıń jámiyetlik belsendiligin arttırıw hám kitapqa bolǵan qızıǵıwshılıǵın kúsheytiwge xızmet etti.

Keshege belsene qatnasqan studentler institut kásiplik awqamı komiteti hám rektorat tárepinen sıylıqlandı.

NMPI baspasóz xızmeti.