Ájiniyaz atındaǵı Nókis mámleketlik pedagogikalıq institutında Ózbekstan «Milliy tiklanish» demokratiyalıq partiyası Oraylıq Keńesi hám Oliy Majlis Nızamshılıq palatasındaǵı «Milliy tiklanish» frakciyasınıń baslıǵı Alisher Qodirov qatnasıwında student-jaslar menen ushırasıw shólkemlestirildi.

Ushırasıwǵa partiyanıń Oraylıq Keńesi hám Qaraqalpaqstan Respublikası Keńesi wákilleri, Oliy Majlis Nızamshılıq palatası, Qaraqalpaqstan Respublikası Joqarǵı Keńesi deputatları, institut professor-oqıtıwshıları hám belsendi studentler qatnastı.

Ilaj dawamında elimizde jaslar siyasatına qaratılıp atırǵan itibar, olardıń potencialın júzege shıǵarıw maqsetinde ámelge asırılıp atırǵan keń kólemli reformalar, sonıń ishinde, «Jańa Ózbekstan jasları – 2030» strategiyası joybarı, sonıń menen birge, partiya tárepinen jaslar hám olardıń baslamaların qollap-quwatlaw baǵdarındaǵı islenip atırǵan jumıslar haqqında tolıq maǵlıwmatlar berildi.

Ushırasıwda jaslar usı strategiyada belgilengen baslı baǵdarlar boyınsha sorawlarına juwaplar aldı hám óz usınısların bildirdi.

NMPI baspasóz xızmeti.