Búgin, 30-aprel kúni Ájiniyaz atındaǵı Nókis mámleketlik pedagogikalıq institutında Tashkent mámleketlik yuridika universitetiniń professor-oqıtıwshıları hám student-jaslarınan dúzilgen «Úgit-násiyat poezdi» toparı aǵzaları menen ushırasıw bolıp ótti.

Ushırasıwda Qaraqalpaqstan Respublikası Ádillik ministrligi sektor baslıǵı Nuriya Berdiniyazova, sonday-aq, «Úgit-násiyat poezdi» toparı aǵzaları tárepinen elimizde jaslarǵa baylanıslı mámleketlik siyasattıń baslı baǵdarları, nızamshılıqta jaslarǵa berilgen jeńillikler haqqında tolıq túsinikler berildi.

Sonday-aq, ilaj dawamında student-jaslardıń huqıqıy bilim hám kónlikpelerin arttırıwǵa baǵdarlanǵan hár qıylı interaktiv oyınlar, viktorinalar shólkemlestirildi.

NMPI baspasóz xızmeti.