Ájiniyaz atındaǵı Nókis mámleketlik pedagogikalıq institutı Anıq pánler fakulteti matematika kafedrasında professor-oqıtıwshılar, doktorantlar, magistrantlar hám izleniwshilerdiń ilimiy potencialın arttırıw, bilimlendiriw sapasın jetilistiriw, sonday-aq, zamanagóy pedagogikalıq qatnaslardı ámeliyatqa engiziw maqsetinde turaqlı túrde ilimiy-metodikalıq seminarlar shólkemlestirilmekte.

Bul seminarlar kafedra jumıslarınıń áhmiyetli quram bólegi bolıp, onda ilimiy izleniwlerdiń nátiyjeleri, jańa oqıw-metodikalıq islenbeler hám innovaciyalıq bilimlendiriw texnologiyaları dodalanadı.

«Matematikanıń teoriyalıq hám onı oqıtıwdaǵı ayırım mashqalaları» atamasındaǵı ilimiy seminarda kafedra magistrantları M.Uralbaevtıń «Kompleks keńislikte Stoks formulası», G.Abdievanıń «Vektorlar hám olardıń geometriyalıq máselelerdegi qollanılıwları», D.Orazbekovanıń «Matricalıq keńislikte klassikalıq oblastlar hám olardıń ayırım qásiyetleri» atamalarındaǵı bayanatları tıńlandı.

Ilimiy-metodikalıq seminardıń ayrıqsha áhmiyetli tárepi – bul óz ara tájiriybe almasıw, pikirler kóp túrliligin támiyinlew hám jańa ideyalardı júzege shıǵarıwǵa tiykar boladı.

Ilimiy seminar pikir almasıwlar hám dodalawlar menen dawam etti.

NMPI baspasóz xızmeti.