Ájiniyaz atındaǵı Nókis mámleketlik pedagogikalıq institutında matematika boyınsha Qaraqalpaqstan Respublikasındaǵı joqarı oqıw orınları studentleri arasında ashıq pán olimpiadası shólkemlestirilmekte.

Pán olimpiadası usı jıldıń 15-may kúni saat 10:00 de institut bas oqıw imaratında ótkeriledi.

Onda studentler eki kategoriya boyınsha qatnasıw imkaniyatına iye boladı:

«A» kategoriyası – matematika, ámeliy matematika, informatika hám kompyuter texnologiyaları tálim baǵdarları studentleri ushın bolıp, bunda qatnasıwshılar 5 sorawǵa jazba jumıs arqalı juwap beriwi talap etiledi;

«B» kategoriyası – basqa tálim baǵdarları studentleri ushın bolıp, bunda qatnasıwshılar 20 jabıq testke juwap beriwi arqalı óz bilimlerin sınaqtan ótkeredi.

Qatnasıwshılardıń sorawlarǵa juwap beriwi ushın 4 saat waqıt beriledi.

Pán olimpiadasına joqarı oqıw orınlarında bilim alıp atırǵan barlıq studentler qatnasıwı múmkin.

Hár bir kategoriya boyınsha jeńimpazlar hám sıylı orın iyeleri diplom jáne qımbat bahalı sawǵalar menen sıylıqlanadı.

Dizimnen ótiw ushın tómendegi siltemege basıń 👉 https://forms.gle/xUqVuy6DXPDMsiCXA

Baylanıs ushın telefon nomerleri:

+998905774541

+998905931295

Maǵlıwmat ushın, pán olimpiadasında sorawlar joqarı matematika boyınsha dúziledi.

NMPI baspasóz xızmeti.