Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakulteti student-jasları arasında salamat turmıs tárizin keń úgit-násiyatlaw maqsetinde «Dekan kubogi» sport jarısları bolıp ótpekte.

Studentler turaq jayında jasaytuǵın student-qızlar arasında ótkerilgen náwbettegi jarısta qatnasıwshılar voleybol boyınsha ózleriniń sport sheberliklerin sınaqtan ótkerdi.

Fakultet dekanınıń hayal-qızlar máseleleri boyınsha másláhátshisi S.Palwaniyazova, tyutorlar hám fakultet studentler keńesi jetekshisi D.Abdiramanova tárepinen shólkemlestirilgen jarıs oǵada qızıqlı, básekige bay, sonday-aq, óz ara doslıq ruwxında ótti.

Jarıs juwmaǵında jeńimpazlar hám sıylı orın iyeleri anıqlanıp, diplom, sonday-aq, kásiplik awqamı komiteti tárepinen tayarlanǵan sawǵalar menen sıylıqlandı.

NMPI baspasóz xızmeti.