Búgin, 19-may kúni Respublikalıq jumısshı topar aǵzası I.Choriev Ájiniyaz atındaǵı Nókis mámleketlik pedagogikalıq institutında jaslar arasında salamat turmıs tárizin úgit-násiyatlaw, náshebentlik hám narkojınayatlardıń aldın alıw baǵdarında ámelge asırılıp atırǵan ruwxıy-aǵartıwshılıq jáne úgit-násiyat jumıslarınıń barısın úyrendi.

Úyreniw dawamında institutta student-jaslar arasında salamat turmıs tárizin qáliplestiriw, zıyanlı illetler, sonıń ishinde, náshebentlik hám psixotrop zatlardan paydalanıwdıń aldın alıw boyınsha ámelge asırılıp atırǵan jumıslardıń nátiyjeleri, sonday-aq, bul baǵdardaǵı tiykarlawshı hújjetler, úgit-násiyat materialları kózden ótkerildi.

Ilaj barısında jaslardıń bos waqtın mazmunlı shólkemlestiriw, olardıń huqıqıy mádeniyatın arttırıw baǵdarındaǵı jumıslardı bunnan bılay da kúsheytiw boyınsha tiyisli usınıslar bildirildi.

NMPI baspasóz xızmeti.