Abiturientler, olardıń ata-anaları hám joqarı bilimlendiriw shólkemleriniń múrájatları esapqa alınıp, Joqarı bilimlendiriw, ilim hám innovaciyalar ministrliginiń tiyisli protokolı menen tómendegi puqaralar ushın tólemli kontrakt múddetleri uzaytıldı:

➖bakalavriat hám magistraturada búgingi kúnge shekem sabaqlarǵa qatnasıp, juwmaqlawshı imtixanlardı tabıslı tapsırǵan abiturientler;

➖oqıwı kóshirilgen (kóshirip tiklengen) hám qayta tiklengen studentler.

Olar ushın bazalıq hám eselengen tólemli kontrakttiń bir jıllıq oqıtıw bahasınıń 100 procentin tólew jáne studentler qatarına qabıllawdı rásmiylestiriwdiń sońǵı múddeti 2026-jıl 10-iyunǵa shekem (sol kúni de) uzaytıldı.

Eskertiw: ámeldegi tártipke bola, ekinshi hám onnan joqarı basqısh studentleriniń kontraktin tólew múddeti joqarı bilimlendiriw shólkemleriniń basshıları tárepinen uzaytılıwı múmkin.