Ájiniyaz atındaǵı Nókis mámleketlik pedagogikalıq institutı hám Qazaqstan Respublikası Astana qalasındaǵı L.N.Gumilyov atındaǵı Evraziya milliy universiteti 2026-2027-oqıw jılı ushın biologiya qánigeligi boyınsha qospa bilimlendiriw baǵdarlaması sheńberinde magistratura basqıshında oqıwǵa mirát etedi.

Bunda siz Evraziya milliy universiteti ulıwma biologiya hám genomika kafedrasında «7M01513 – Biologiya» qánigeligi boyınsha hám Nókis mámleketlik pedagogikalıq institutı biologiya kafedrasında «70510101 – Biologiya» qánigeligi boyınsha magistratura basqıshında oqıp, eki joqarı oqıw ornınıń diplomı menen pitkeriw imkaniyatına iye bolasız.

Oqıwdıń birinshi kursı Nókis qalasında, ekinshi kursı Astana qalasında shólkemlestiriledi.

Áhmiyetlisi, bunda sizden shet tilin biliw sertifikatı talap etilmeydi.

Qospa bilimlendiriw baǵdarlaması tiykarında oqıwdı qáleytuǵın talabanlar instituttıń Tábiyiy pánler fakulteti biologiya kafedrasına kelip múrájat etiwi múmkin.

Mánzil: Nókis qalası P.Seytov kóshesi nomersiz jay (NMPI 2-sanlı oqıw imaratı).

NMPI baspasóz xızmeti.