Joqarı hám kásiplik bilimlendiriw mákemelerine oqıwǵa kiriw ushın onlayn dizimnen ótiwde abiturienttiń telefon nomeri maǵlıwmatlardı tastıyıqlaw quralı bolıp esaplanadı.

Bunda maǵlıwmatlardı tastıyıqlaw ushın abiturienttiń telefon nomerine SMS xabar jiberiledi hám SMS xabardaǵı kodtı baǵdarlamaǵa kirgiziw arqalı maǵlıwmatlar tastıyıqlanadı.

Dizimnen ótiwde paydalanılǵan (sistemaǵa kirgizilgen) telefon nomerisiz maǵlıwmatlardı tastıyıqlaw yamasa ózgertiwdiń ilajı bolmaydı.

Eger abiturient basqa adamnıń telefon nomeri arqalı dizimnen ótetuǵın bolsa, telefon nomerine iyelik etiwshi adamda abiturienttiń maǵlıwmatlarına ózgeris kirgiziw imkaniyatı boladı.

Sonlıqtan, abiturientler dizimnen ótiwde óz telefon nomerinen paydalanıwı hám telefon nomerin basqa adamlarǵa bermewi kerek.

Sonday-aq, abiturientler dizimnen ótiwde ózi eslep qalatuǵın, qáwipsiz parolden paydalanıwı hám onı yadta saqlawı maqsetke muwapıq.

NMPI baspasóz xızmeti.