Ájiniyaz atındaǵı Nókis mámleketlik pedagogikalıq institutı Tábiyiy pánler fakulteti ximiya tálim baǵdarınıń 3-kurs studentleri paytaxtımız Nókis qalası hám onıń átirapında, sonday-aq, belgilengen orınlarda qánigelik ámeliyat jumısların alıp bardı.

Atap aytqanda, Ózbekstan Ilimler akademiyası Qaraqalpaqstan bólimi Qaraqalpaq tábiyat ilimleri ilim-izertlew institutı, «Qaraqalpaq suw támiynatı» AJ oraylıq laboratoriyası, Nókis suw tazalaw tarnawı, Qaraqalpaqstan Respublikası Málimleme-kitapxana orayı, sonday-aq, óndirislik kárxanalar hám obektlerde bolıp, teoriyalıq bilimlerin bekkemledi.