Búgin, 1-iyul kúninen respublikamızdaǵı mámleketlik joqarı oqıw orınlarınıń magistratura qánigeliklerine onlayn dizimnen ótiw baslandı.

2026-2027-oqıw jılı ushın mámleketlik joqarı oqıw orınlarınıń magistratura qánigeliklerine oqıwǵa kiriw ushın hújjetlerdi tapsırıw procesi ministrliktiń rásmiy my.edu.uz platforması arqalı 30-iyulǵa shekem (sol kúni de) dawam etedi.

Maǵlıwmat ornında atap ótiw kerek, magistratura qánigeliklerine tańlawlarda belgilengen talap dárejesindegi milliy yamasa xalıqaralıq sertifikatqa iye bolǵan adamlar qatnasıwı múmkin.

Kerekli hújjetler:

1) Bakalavr diplomı;

2) Shet tilin biliw sertifikatı.

Magistraturaǵa kiriw ushın talap etiletuǵın shet tili sertifikatlarınıń qánigelikler kesimindegi dizimi.

Tómendegi talabanlardan shet tilin biliw sertifikatı talap etilmeydi:

1) Tiyisli jetiskenlikleri bolǵan;

2) Mayıplıq maǵlıwmatnaması bolǵan (kóriw, esitiw hám sóylewde kemshiligi bolǵan) adamlar;

3) Bakalavriat tálim baǵdarlamasın shet tilinde tamamlaǵan talabanlar.

NMPI baspasóz xızmeti.