Ájiniyaz atındaǵı Nókis mámleketlik pedagogikalıq institutında «Piyshembi – jaslar kúni» hám «Áhmiyetli 90 kún» sheńberinde institut rektorı w.a. Quvondiq Qodirovtıń belsendi student-jaslar menen ashıq sáwbetlesiwi shólkemlestirildi.

Ushırasıwda student-jaslardıń bilim alıwı, bos waqıtların mazmunlı shólkemlestiriw, ilimiy-izertlew, sport, mádeniyat hám kórkem óner baǵdarlarındaǵı belsendiligin bunnan bılay da arttırıw máseleleri dodalandı.

Sáwbetlesiw dawamında institut rektorı w.a. Q.Qodirov mámleketimizde jaslarǵa jaratılıp atırǵan keń imkaniyatlar, olardıń baslama hám ideyaların qollap-quwatlaw baǵdarında ámelge asırılıp atırǵan reformalar haqqında sóz etti. Sonday-aq, studentlerdiń pikir-usınısları tıńlanıp, olardı qızıqtırǵan máseleler boyınsha pikir almasıldı.

Belsendi student-jaslar tárepinen bilimlendiriwdiń sapası, innovaciyalıq joybarlar, sport hám mádeniy-aǵartıwshılıq ilajlardı bunnan bılay da rawajlandırıwǵa baǵdarlanǵan bir qatar usınıslar bildirildi. Ushırasıw qızǵın hám konstruktivlik ruwxta ótip, jaslardı hár tárepleme qollap-quwatlaw, olardıń potencialın júzege shıǵarıw baǵdarındaǵı wazıypalar belgilep alındı.

NMPI baspasóz xızmeti.