Búgin, 14-iyul kúni elimiz boylap 2026-2027-oqıw jılı ushın mámleketlik joqarı hám kásiplik bilimlendiriw mákemelerine qabıllaw ushın kiriw test sınaqları baslandı.

Nókis qalasındaǵı test sınaqları ótkeriletuǵın orınlar qatarında Bilim hám mamanlıqlardı bahalaw agentligi Qaraqalpaqstan Respublikası bólimi imaratında da abiturientler test sınaqlarına qatnaspaqta.

Bul jerde Ájiniyaz atındaǵı Nókis mámleketlik pedagogikalıq institutı jámááti tárepinen abiturientlerdiń ata-anaları ushın kútiw orınları, test procesin onlayn baqlaw imkaniyatı, sonday-aq, basqa da zárúr sharayatlar jaratıldı.

Maǵlıwmat ornında atap ótiw kerek, test sınaqları kúnine eki smenada – 1-smena 08:00 den 11:00 ge shekem, al 2-smena 15:00 den 18:00 ge shekem bolıp ótedi.

Bıyıl Qaraqalpaqstan Respublikasında mámleketlik joqarı hám kásiplik bilimlendiriw mákemelerine kiriw test sınaqlarına ulıwma 31 mıńǵa shamalas abiturentler qatnasıwı kútilip atırǵan bolıp, test sınaqları usı jıldıń 23-iyul kúnine shekem dawam etedi.

Test sınaqları tolıq videobaqlaw arqalı onlayn translyaciya etilmekte hám processti test2026.uz saytı arqalı onlayn baqlap barıw imkaniyatı jaratılǵan.

NMPI baspasóz xızmeti.