Búgin, 21-iyul kúni Ájiniyaz atındaǵı Nókis mámleketlik pedagogikalıq institutında 2026-2027-oqıw jılı ushın qabıllaw procesinde kózi ázzi abiturientler ushın bakalavriat tálim baǵdarlarına kiriw imtixanları bolıp ótti.

Imtixanlar eki smenada – 1-smena 08:30 da qánigelik pánlerden, 2-smena 15:00 de májbúriy pánler boyınsha shólkemlestirildi.

Kiriw imtixanlarınıń ádil túrde, nızam talapları tiykarında ótkeriliwi Qaraqalpaqstan Respublikası Kózi ázziler jámiyeti, sonday-aq, instituttıń korrupciyaǵa qarsı gúresiw bólimi qánigeleri tárepinen qadaǵalap barıldı.

Maǵlıwmat ushın, imtixan nátiyjeleri institut rásmiy veb-saytı hám sociallıq tarmaqlardaǵı kanalları arqalı járiyalanadı.

NMPI baspasóz xızmeti.