Шет тиллер факультетинде «1-октябрь – Муғаллимлер ҳәм устазлар күни» мүнәсибети менен саз-сәўбетли байрам кешеси шөлкемлестирилди. Байрам жүдә көтериңки, кеўилли руўхта өткерилди.

Байрам кешеси қутлықлаўлар менен басланды. Факультет деканы И.Дилманов сөзге шығып, кеше қатнасыўшыларын байрам менен қутлықлап, оқытыўшы ҳәм устазлық кәсибиниң сырлары, машақатлары, бүгинги күндеги жетискенликлери ҳаққында кең түрде түсиник берди.

Байрам кешеси студент-жаслар тәрепинен устазларға арнап таярлаған қосықлар, интермедия, викторина, күлкили номерлерден ибарат концерт бағдарламасы көрсетилди.

Байрам соңында студентлер устазларға гүллер берип, өзлериниң миннетдаршылығын билдирди.