Ájiniyaz atındaǵı Nókis mámleketlik pedagogikalıq institutı magistratura baǵdarına 2018-2019-oqıw jılı ushın qabıllaw ótkerilgen imtixan nátiyjeleri tastıyıqlandı. 2018-2019-oqıw jılı ushın jámi 58 magistrant qabıllanǵan bolıp, olardıń 14 i mámleketlik grant, 44 i tólemli kontrakt tiykarında oqıwǵa qabıl etildi. Aldın xabar berilgenindey, magistratura imtixanları bıyılǵı jıldan baslap ózgerip, atap aytqanda, «Magistratura haqqındaǵı Reje»niń 14-bántine muwapıq, «Demokratiyalıq jámiyet qurıw teoriyası» hám «Informatika» pánlerinen bolıp ótetuǵın imtixanlar alıp taslanıp, onıń ornına qánigelik páni hám shet tilinen imtixanlar bolıp ótti. Maǵlıwmat ushın, bıyılǵı jılı Nókis mámleketlik pedagogikalıq institutına jámi 14 qánigelik boyınsha studentlerden hújjetler qabıllandı. Qabıllaw juwmaqlarına muwapıq, jámi 138 studentten arza hám hújjetler kelip túsken.