Qaraqalpaqstan tariyxındaǵı tuńǵısh joqarı oqıw ornı esaplanǵan Ájiniyaz atındaǵı Nókis mámleketlik pedagogikalıq institutı eń dáslep 1934-jılı Tórtkúl qalasında shólkemlestirilgen.
Instituttıń usı qaladaǵı dáslepki imaratı qanday kóriniske iye bolǵan? Bul kópshilikti qızıqtırsa kerek. Tómende siz instituttıń dáslepki imaratınıń fotosúwretin tamashalawıńız múmkin.
Ashılǵan waqtında institutta 12 oqıtıwshı hám 42 student bolǵan. Instituttıń dáslepki qarlıǵashları 1937-jılı pitkerip shıǵıp, olardıń qatarında elimizdiń sociallıq-ekonomikalıq jaqtan rawajlanıwına úlken úles qosqan P.Nurpeysov, U.Lepesov, G.Erniyazova, J.Ádilov, T.Aralbaevlar da bar edi.