Ájiniyaz atındaǵı Nókis mámleketlik pedagogikalıq institutında ótkerilgen “Jaslar sport hápteligi” Tariyx-geografiya fakultetinde de joqarı keypiyatta ótti. Fakultetimizde bolajaq pedagog kadrlardıń bos waqtınan únemli paydalanıw hám olar salamatlıǵın bekkemlew maqsetinde dekanat, Institut Kásiplik Awqamı shólkemi, Jaslar Awqamı institut baslanǵısh shólkemi tárepinen studentler arasında bunday sport kúnleri tez-tez ótkerilip turıladı. Ótkerilgen bul sport kúnlerindetoparlar er balaları arasında sporttıń futbol túri boyınsha fakultet birinshiligi jeńimpazı anıqlandı. Futbol oyınları fakultet dekanı Saribaev Maman hám ustaz oqıtıwshılar Qaljanov Polat, Radjapov Muzaffarlar tárepinen shólkemlestirildi hám basqarıp barıldı.

Eki kún dawam etken qızıqlı hám gúreslerge bay bolǵan futbol oyınlarında birinshi orındı Uzaqbaev Qoblan trenerligindegi Geografiya oqıtıw metodikasınıń 3-kurs qaraqalpaq toparı studentleri jeńip aldı. Bul topar óz tariyxında ekinshi márte fakultet kubogın qolǵa kiritti. Ekinshi hám úshinshi orınlardı da Geografiya oqıtıw metodikası studentleri jeńip alıwǵa miyassar boldı. Oyınlarda qatnasqan studenler arasınan eń jaqsı oyınshı Paraxatov Bayram, eń jaqsı dárwazaban Bozorboyev Otaxan, eń jaqsı hújimshi Egamberdiyev Farrux hám eń jaqsı qorǵawshı Karimov Azamatlarǵa nominaciyalar boyınsha maqtaw jarlıqları tapsırıldı. Bunnan basqa jeńimpaz komandalar medal, diplom hám estelik sawǵaları menen sıylıqlandı.