Институтымыздың педагогика факультети психология кафедрасында швейцариялы белгили психолог Карл Густав Юнг илимий мийнетлерин талқылаўға бағышланған кеше өткерилди.

Кешеге қатнасқан кафедраның «Жас психолог» дөгереги ағзалары ҳәм зийрек студент-жаслар кафдера профессор-оқытыўшылары менен бирге илимпаз-психологтың илимий мийнетлериниң мазмуны және әҳмийети, әсиресе, илимпаз тәрепинен ислеп шығылған шахстың типлерин анықлаў методикасы бойынша тәжирийбе ислеп көрсетти.

Кафдераның тәжирийбели профессор-оқытыўшыларынан А.Урумбаева ҳәм Г.Жаббарбергеновалар тәрепинен шөлкемлестирилген кешеде студентлерден Н.Аллабергенова, И.Жаппарбергенова, Г.Қазақбаева, К.Алибаева, Л.Дәўлетбаева ҳәм А.Шерниязовалар өз баянатлары менен қатнасты.

Кеше даўамында илимпаздың өмири ҳәм хызметлери сәўлеленген видеороликлер қойып берилди.

Баспасөз хызмети